જગના તમામ સુખ-દુઃખ યાને કે નાના કણ
એનો સરવાળો શ્વાસોનું વિસ્તરતું રણ
મુકો તપેલી ટીપે ટીપે સમય ભરી લો
પાણી નહિ પણ છતમાંથી ટપકે છે ક્ષણ
બચપણમાં મેં એવીરતે પુસ્તક ચોર્યા
કાનૂડાએ જેવીરીતે ચોર્યું માખણ
મારું આખેઆખું જીવન ફક્ત તમારું
તારુ અડધું-પડધુ જીવન છે મારું પણ
મારી ભૂખ તો જમ્યા પછી પણ વધી રહી છે
હું તો મન છું, ચણી રહ્યો છું વિચારનું ચણ
પછી તો ફૂલો કરમાવાનું ભૂલી જવાના
સાંજ પડેને પરત ફરે જો મહેકનું ધણ
- કુલદીપ કારિયા
એનો સરવાળો શ્વાસોનું વિસ્તરતું રણ
મુકો તપેલી ટીપે ટીપે સમય ભરી લો
પાણી નહિ પણ છતમાંથી ટપકે છે ક્ષણ
બચપણમાં મેં એવીરતે પુસ્તક ચોર્યા
કાનૂડાએ જેવીરીતે ચોર્યું માખણ
મારું આખેઆખું જીવન ફક્ત તમારું
તારુ અડધું-પડધુ જીવન છે મારું પણ
મારી ભૂખ તો જમ્યા પછી પણ વધી રહી છે
હું તો મન છું, ચણી રહ્યો છું વિચારનું ચણ
પછી તો ફૂલો કરમાવાનું ભૂલી જવાના
સાંજ પડેને પરત ફરે જો મહેકનું ધણ
- કુલદીપ કારિયા
ટિપ્પણીઓ નથી:
ટિપ્પણી પોસ્ટ કરો