ધૂપસળી જેમ જ અમારે પણ સતત બળવું હતું
મ્હેક થઈને તારું આખું ઘર ફરી વળવું હતું
રણ છું હું કેવીરીતે રોવું તમારી યાદમાં?
હું હિમાલય હોત તો મારે ય ઓગળવું હતું
મુર્ખ ઈચ્છા જો અધુરી ના રહે તો થાય શું?
એક સરોવરને નદીની જેમ ખળખળવું હતું
કઈ તરફ પશ્ચિમ દિશા છે એ જ સમજાયું નહિ
કેસરી અજવાસ પહેરી મારે પણ ઢળવું હતું
કઈ યુગોથી પણ જૂની ખારાશ છોડી ના શક્યો
એક દરિયાને નદીના ધોધમાં ભળવું હતું
- કુલદીપ કારિયા
મ્હેક થઈને તારું આખું ઘર ફરી વળવું હતું
રણ છું હું કેવીરીતે રોવું તમારી યાદમાં?
હું હિમાલય હોત તો મારે ય ઓગળવું હતું
મુર્ખ ઈચ્છા જો અધુરી ના રહે તો થાય શું?
એક સરોવરને નદીની જેમ ખળખળવું હતું
કઈ તરફ પશ્ચિમ દિશા છે એ જ સમજાયું નહિ
કેસરી અજવાસ પહેરી મારે પણ ઢળવું હતું
કઈ યુગોથી પણ જૂની ખારાશ છોડી ના શક્યો
એક દરિયાને નદીના ધોધમાં ભળવું હતું
- કુલદીપ કારિયા
ટિપ્પણીઓ નથી:
ટિપ્પણી પોસ્ટ કરો