કેલેન્ડર...

હવે દિવસનું ઊગવું લમણાઝીક વગરનું છે
નવા વરસનું કેલેન્ડર તારીખ વગરનું છે

વાત અહીથી લીક થશે નૈ, છોડી દે ટેન્શન
જે ઘરમાં તું બેઠો છે એ ભીત વગરનું છે

આજ ખરેખર જન્મ્યા પહેલા મરી ગયું જંગલ
ઊગી ગયું છે ઝાડ, પરંતુ બીજ વગરનું છે

મારા ઘરનું ડિમોલીશન બહુ જ અઘરું છે
એનું ચણતર ઈંટ અને કોન્ક્રીટ વગરનું છે

તમે નથી તો મર્યો નથી, પણ સાવ અધુરો છું
જાણે કે દરિયાનું હોવું બીચ વગરનું છે

- કુલદીપ કારિયા