ઊંધું...

એક વખત મેં ભૂલથી પેર્યું જીવન ઊંધું
પણ તમે દરરોજ પહેરો છો જગત ઊંધું

સાવ સીધું મેં કહ્યું, એ તોય સમજ્યા નૈ
બોલતા જો આવડત તો હું કહત ઊંધું

એટલે ભૂલી ગયા સહુ પ્રેમ કરવાનું
ઇશ્વરે સૌમાં લગાવ્યું છે હૃદય ઊંધું

છે ભરેલું આભ, એને કેમ ઠલવું હું
હાથ પહોંચત તો હું વાદળને કરત ઊંધું

એ તો દરિયામાંથી નીકળે, જાય પર્વત પર
આ જગત એવી નદી જેનું વહેણ ઊંધું

શું વિચારો મ્હેકની માફક પરાધીન છે?
હોય જો ઊંધી હવા ચાલે મગજ ઊંધું

ચેક કરાવી લે પ્રભુ ચશ્માંનાં નંબર તું
આમ સહુને આપમા જીવન સતત ઊંધું

- કુલદીપ કારિયા